BARCELONA 1-2 GRANADA
Barcelona humb rastin ideal, Granada i befason
29 April, 2021 @23:09
Barcelona ka humbur mundësinë për të dalë në krye të LaLigas sonte dhe për të marrë në kontroll kampionatin, pas pjesës së dytë senzacionale të Granadës, që përmbysi katalunasit në shtëpi për 1-2 [Messi 23 - Machis 63, Jorge Molina 79].
Ekipi i drejtuar nga Ronald Koeman kishte ecuri prej 15 fitoresh në 17 ndeshjet e fundit në ligë, por sonte me dy gola të pranuara brenda 16-minutash lanë Atleticon në vend të parë dhe Real Madridin në të dytin, duke mbetur në vend të tretë.
Barcelona dominoi plotësisht pjesën e parë të lojës, ndërsa në pjesë të dytë ekipit iu skuq trajneri pas frustrimit të treguar pas golit të barazimit nga mysafirët dhe shpejt ekipi ra, derisa mysafirët avancuan me Molinën që shënoi duke i bërë ballë dy qendërmbrojtësve të katalunasve.
Tash Barcelona mbetet e treta me 71 pikë sa ka edhe Reali në të dytin, ndërsa Atletico ka në duar kampionatin me 73 pikë, 5 xhiro para fundit të stinorit.
Granada, që përndryshe ka shënuar fitoren e parë në kampionat ndaj Barcelonës në Camp Nou në histori, është në pozitë të tetë të renditjes dhe në xhirot e fundit është duke kërkuar mundësinë për të dalë në Europa Ligë.
