Barcelona mbetet e para për dyshen e Ajaxit

Barcelona vazhdon të jetë e interesuar për dyshen e Ajaxit Matthijs de Ligt dhe Frenkie de Jong, ka bërë të ditur Mundo Deportivo sot.

Raportet e mediave nga muajt e kaluara kanë shkruar se Ajax do të kërkojë rreth 140 milionë euro për dyshen në fjalë.

E dy futbollistët e rinj dhe të vlerësuar holandez tashmë kanë ngjallë interesimin e disa ekipeve të mëdha, por ndër to si më e interesuara po duket të jetë Barcelona.

Qendërmbrojtësi De Ligt, 19 vjeç, deri tash ka luajtur 13 herë për reprezentacionin e Holandës, ndërsa ka 85 paraqitje në ekip të parë të Ajaxit.

Mesfushori De Jong, 21 vjeç, ka debutuar muajin e kaluar me Holandën dhe deri tash ka regjistruar 4 paraqitje aty, derisa në stinorin e kaluar në Eredivisie me Ajaxin ka regjistruar 7 asistime në 22 ndeshje.