MANCHESTER UNITED - ARSENAL
Foto: premierleague.com
Derbi që rrëzoi të dy skudrat në tabelë
5 December, 2018 @23:04
Njëra ndër ndeshjet më të bukura të natës në Premier Ligë. Dy rivalë të vjetër që dhuruan gola dhe emocione, por në fund rezultati 2-2, i rrëzoi të dytë për kah një pozitë në klasifikim në krahasim me xhiron e kaluar.
As Manchester United e as Arsenal nuk e arritën fitoren, edhepse në fund mund të thuhet që David De Gea shpëtoi ekipin e tij nga humbja, pasi që mysafirët ishin dy herë në epërsi dhe pas barazimit 2-2, kërcënuan më seriozisht për fitore, por portieri spanjoll shpëtoi vendasit.
Derisa Manchester United ka regjistruar ndeshjen e katërt pa fitore në Premier Ligë (mbi një muaj pa fitore në elitë), Arsenal ka vazhduar serinë e pamposhtshmërisë në Premier Ligë duke e çuar në 14 ndeshje radhazi, ndërsa bëhen 20 ndeshje në të gjitha garat pa humbje, për herë të parë që prej vitit 2007.
