COPA DEL REY
Messi dhe Neymar festojnë njërin nga 5 golat e shënuar ndaj Sociedadit (Foto: Squawka)
Barcelona pa probleme në gjysmëfinale
26 January, 2017 @23:04
Pas ndeshjes së fituar 0-1 në takimin e parë që u luajt në ‘Anoeta’ mesjavën e kaluar, Barcelona e ka fituar edhe ndeshjen e kthimit ndaj Real Sociedadit, për t’u kualifikuar kështu në gjysmëfinale të Copa Del Rey.
Ndeshja e luajtur sonte në ‘Camp Nou’ u mbyll me shifrat 5-2, ndërsa golat e fitores erdhën nga Denis Suarez (2), Leo Messi, Luis Suarez dhe Arda Turan.
Pas Atleticos, Alavesit dhe Celta Vigos, Barcelona është gjysmëfinalistja e katërt e Kupës dhe favoritja për ta fituar këtë trofe.
