Basha debuton me Zaragozan

Vullnet Basha ka realizuar paraqitjen e tij të parë me skuadrën e re nga Spanja, Real Zaragoza.

Mesfushori kuqezi ka qenë titullar në ndeshjen Albacete - Real Zaragoza, që u zhvillua në kuadër të Copa Del Rey dhe përfundoi me rezultat 1-0 në të mirë të Albacetes.

Basha luajti 56’ minuta në këtë ndeshje pasi më pas u zëvendësua nga Ruiz de Galarreta.

Futbollisti 24 vjeçar është i huazuar në Zaragoza nga skuadra zvicrane Sion, ndërsa vetëm pak ditë pasi ishte transferuar në ekipin nga Segunda Division, kishte pësuar një lëndim të pafat, të cilin tashmë e ka tejkaluar.