KUNDËRSHTARI I RADHËS
Fitore pas dy vitesh!
10 September, 2014 @21:11
Shtatë shtatori ishte datë historike për përfaqësuesen e Kosovës, e cila e shënoi fitoren e parë në historinë e saj.
Nëse jo historike, së paku një datë që do të mbahet mend është edhe dita e sotme për kundërshtarin e radhës të Kosovës, Kanadanë, e cila arriti ta shijojë fitoren pas më shumë se dy viteve.
Kanada e mposhti Xhamajkën në ndeshjen miqësore të luajtur sot me rezultat 3-1, duke e thyer kështu tabunë e zezë që e kishte deri më tani.
Fitoren e fundit kanadezët e kishin regjistruar më 18 gusht të vitit 2012, kur e kishin mposhtur Trinidad Tobagon me rezultat 2-0 dhe që nga ajo kohë e deri më tani kanë luajtur 15 ndeshje, prej të cilave regjistruan 11 humbje dhe 5 barazime.
Kjo ecuri e dobët e tyre ka ndikuar edhe në renditjen e përgjithshme të FIFA-s duke përfunduar në pozitën më të ulët në histori (122).
Kosova do të luaj miqësoren me Kanadanë më 12 tetor në Chicago të SHBA-së.
Video
