Bashkimi Koretin ngjitet në Ligën e Parë!

Pas fitores së thellë me rezultat 0-7 ndaj skuadrës së Kaolinit, skuadra e Bashkimit nga Koretini e ka siguruar ngjitjen në Ligën e Parë të Kosovës.

Golat e fitores sot u shënuan nga Taulant Kurteshi (3), Florent Byqmeti, Leutrim Arifi, Dardan Dermaku dhe Valmir Ramadani, ndërsa kjo fitore e kompletoi një sezon të mrekullueshëm për këtë skuadër, e cila edhe pse garon në nivele të ulta, gjithmonë të pranishëm në stadium ka pas vetes një numër të konsiderueshëm të shikuesve.

Përveç Bashkimit, ende nuk dihet se cila do të jetë skuadra tjetër që do të ngjitet në Ligën e Parë sezonin e ardhshëm.