WEDNESDAY-HUDDERSFIELD
Nuhiu s’arrin finalen, mbetet pa Premier Ligë
17 May, 2017 @23:31
Sulmuesi i Kosovës, Atdhe Nuhiu, është paraqitur në kohën shtesë për ekipin e tij Sheffield Wednesday sot në gjysmëfinale të Play-Offit të Championshipit.
Nuhiu u fut në ndeshje në minutën e 108 dhe qëndroi deri në fund të takimit, që shkoi deri në penallti pasi që dueli përfundoi me barazim 1-1.
E me penallti, Huddersfield mposht Sheffieldin (4-3) për të arritur finalen e Play-Offit të Championshipit, ku do të takohet me Readingun, në përballjen fituesi i së cilës siguron Premier Ligën për stinorin e radhës.
