TAHIR BATATINA
Batatina me kritika të ashpra: Gjyqtari Kasumi i dhuroi 3 pikë Ballkanit
28 April, 2021 @17:45
Trajneri i Llapit, Tahir Batatina, pas ndeshjes së humbur me rezultat 1-0 ndaj Ballkanit, e ka kthyer gishtin kah gjyqtari i ndeshjes, Besfort Kasumi, të cilin e ka cilësuar si shkaktar i këtij rezultati.
Në deklaratën e tij pas ndeshjes për Art Sport, Batatina tha se gjyqtari Kasumi ndikoi direkt në rezultat dhe se skuadra e tij e ka merituar fitoren.
“Besforti sot direkt ka ndikuar në rezultat. Llapi nuk e ka humbur ndeshjen, por Besforti ia ka dhuruar 3 pikë Ballkanit. S’është dhënë penallti, s’është dhënë faul dhe gjithçka ka qenë në dëm të Llapit sot. Ne në çdo aspekt e kemi merituar fitoren”, tha ndër tjerash trajneri Batatina.
Ballkani fitoren e arriti me golin e vetëm të shënuar nga Blend Baftiu.
