ALLIANZ ARENA
Foto: FC Bayern Official
Bayerni fiton me përmbysje
20 February, 2016 @16:22
Përkundër lëndimeve të shumta në mbrojtje dhe disa lojtarëve që sot u pushuan nga trajneri Guardiola për shkak të ndeshjes përballë Juventusit në mesjavë, Bayerni arriti të shënonte fitore ndaj Darmstadtit në shtëpi.
Të parët në epërsi kaluan mysafirët me golin e sulmuesit Wagner dhe pjesa e parë u mbyll me rezultat 0-1, mirëpo në pjesën e dytë dy golat e Thomas Müller dhe një gol i Lewandowskit e përmbysen rezultatin dhe ndeshja u mbyll me rezultat 3-1 në të mirë të vendasve.
Vlen të përmendet fakti që për skuadrën bavareze pas një kohë të gjatë paraqitje të mirë zhvilloi francezi Franck Ribery. Ribery asistoi tek goli i tretë i shënuar nga Lewandowski, duke dhënë shenja se tashmë e ka lënë pas lëndimin që e mbajti jashtë fushave për një kohë të gjatë.
Kjo fitore bën që Bayerni ta rrisë edhe më tutje diferencën e pikëve ndaj Dortmundit në tabelën e Bundesligës gjermane.
