KUPA E KOSOVËS
Drenica kalon në çerekfinale
20 February, 2016 @15:35
Me dy golat e Granit Arifajt, skuadra e Drenicës ka mposhtur në stadiumin “Bajram Aliu” skuadrën e KEK-ut me rezultat 2-0, për të kaluar në çerekfinalen e Kupës së Kosovës.
Drenicasit, të cilët patën disa largime dhe disa ardhje të reja gjatë afatit të janarit, dominuan ndeshjen dhe golat e fitores erdhën në minutat 65’ dhe 80’. Se cili do të jetë kundërshtari i Drenicës në çerekfinale, mbetet të kuptohet pas shortit, kurse KEK-u vazhdon luftën për një rikthim në Superligë sezonin e ardhshëm.
