GRUPI F: CITY - LYON
Befasi franceze në ‘Etihad’
19 September, 2018 @22:56
Me rezultat befasues u mbyll dueli i zhvilluar sonte në ‘Etihad Stadium’ mes Manchester Cityt e Lyonit. Skuadra franceze e befasoi skuadrën vendase, duke e mposhtur me rezultat 1-2.
Befasisht, pjesa e parë u mbyll me rezultat 0-2 në të mirë të Lyonit. Fillimisht për 0-1 shënoi Cornet, e më pas Nabil Fekir e dyfishoi epërsinë e francezëve, duke bërë që pjesa e parë të mbyllet me rezultat 0-2.
Në pjesën e dytë, ‘qytetarët’ e ngushtuan disavantazhin në 1-2, mirëpo barazimi nuk erdhi në asnjë moment dhe ata u detyruan të pajtohen me humbje.
Në ndeshjen tjetër të grupit, Shakhtari dhe Hoffenheimi barazuan mes vete 2-2.
