Benitez, si je?

​Rafael Benitez duhet të pres ende për fitore me Chelsean e tij. Edhe pas tre ndeshjeve Chelsea nuk ka arritur të shënojë fitore, ndërsa kjo është ndeshja e pestë pa fitore e tyre në Premier League, prej se u mposhtën nga Manchester United, kur në krye të bankës ishte Roberto Di Matteo.

Spanjolli Juan Mata kaloi në epërsi blutë e Londrës në minutën e 13-të të pjesës së parë, mirëpo kjo ishte e tëra që arriti të bëj ekipi i Rafas.

Në pjesën e dytë në fushë ishte një West Ham më kërkues i cili së pari barazoi nëpërmjet Carlton Cole në minutën e 63-të të ndeshjes e pastaj krejt në fund edhe e mposhti kampionin europian duke i shënuar dy gola nëpërmjet afrikanëve të futur në pjesën e dytë.

Së pari senegalezi Mohamed Diame ngriti epërsinë për ekipin e Sam Allardyce në 2-1 në minutën e 85-të, ndërsa fitoren e madhe në derbin e Londrës e vulosi mesfushori nga Mali, Modibo Maiga, kur shënoi në minutën e fundit shtesë të ndeshjes 90+4 për të përcaktuar edhe rezultatin përfundimtar të ndeshjes 3-1.

REZULTATI DHE GOLASHËNUESIT:

West Ham - Chelsea 3-1 (Cole 67, Diame 85, Maiga 90 - Mata 13)