Kalohet edhe Catania

Megjithëse skuadra vendëse doli në epërsi e para me golin e Nicola Legrottaglie, i cili shënoi me kokë pas krosimit nga goditja e këndit në minutën e 11’, në fund milanezët arritën t’i gëzohen fitores.

Në fakt, për fitoren e Milanit u desht të pritet pjesa e dytë, ku u shënuan tre gola. Rezultati në 1-1 u barazua me golin e Stephan El Shaarawyt (53’), i cili shënoi nga pozita jashtë loje, por gjyqtari kryesor mbeti i heshtur.

Tre minuta më vonë, për epërsinë e Milanit u përkujdes Kevin-Prince Boateng, me një goditje të fortë jashtë zonës së reptësisë, derisa El Shaarawy (90+2) shënoi edhe një herë për ta ngritur epërsinë e ekipit të tij.