KARIM BENZEMA
Benzema renovon kontratën, €1 miliardë klauzola
20 September, 2017 @22:36
Sulmuesi francez i Real Madridit, Karim Benzema, ka renovuar kontratën me ekipin e tij, ka bërë të ditur vetë ekipi mbretëror, kampion aktual i Europës dhe Spanjës.
Nesër gjithçka do të zyrtarizohet në konferencë për shtyp në ora 14:00 në Santiago Bernabeu, ndërsa klauzola për lirimin e tij është vendosur të jetë 1 miliardë euro, që është rekord i ri i vendosur në kontratë të një lojtari, ka shkruar Mundo Deportivo sonte.
Konrata aktuale e Benzemas i skadonte në qershor të vitit 2019, ndërsa tash ai e ka vazhduar atë deri më 30 qershor të vitit 2021, kur do të jetë 34 vjeçar.
