Besa dhe Prishtina në finalen e memorialit

Pas ndeshjeve gjysmëfinale të zhvilluara dje, sot me fillim prej orës 17:00 Besa futsall dhe Prishtina futsall do të ndeshen në finalen e turneut memorial Adem Jashari 2017.

PRISHTINA - PRIZRENI 3-3 (3-2 pen)

Prishtina mposhti Prizrenin në gjysmëfinale pas penalltive. Ndeshja në kohë të rregullt përfundoi 3-3 dhe pasi që gjithçka ishte e barabartë deri në fund, finalisti u desht të përcaktohej përmes penalltive, ku prishtinasit triumfuan 3-2.

BESA - DRENICA 7-5

Në duelin tjetër, Besa futsall mposhti Drenica futsallin me rezultat 7-5. Pejanët treguan cilësinë ndaj drenicakëve në ndeshje duke arritur finalen e turneut.

Cilado skuadër që do ta fitojë turneun, do ta fitojë atë për herë të parë.