"ADEM JASHARI 2017"
Besa, Drenica, Prishtina e Prizreni në turneun memorial
28 February, 2017 @14:38
Federata e Futbollit e Kosovës (FFK) tashmë tradicionalisht e organizon turneun memorial në futsall, kushtuar Komandantit Legjendar të UÇK-së, Adem Jashari.
Sivjet ky turne do të mbahet më 4 e 5 mars në Prishtinë. Pjesëmarrëse në këtë turne do të jenë katër skuadra: Besa, Prishtina, Drenica dhe Prizreni.
Tërheqja e shortit do të bëhet më 2 mars në zyrat e Komisionit të Futsallit në Prishtinë në orën 16:00, ndeshjet gjysmëfinale do të luhen më 4 mars në pallatin “1 Tetori”, derisa ndeshja finale më 5 mars në Pallatin e Rinisë dhe të Sportit.
