BESA-LIRIA
Besa mbi Lirinë, e treta me radhë
23 September, 2017 @17:54
Besa e Pejës nuk ka të ndalur në Shahin Haxhiislami. Bardhekuqtë nën Bjeshkët e Rugovës kanë shënuar edhe fitoren e tretë me radhë në shtëpi sot, duke e mposhtur Lirinë, që shpresonte në pikë në udhëtim, 2-0.
Golin e parë për Besën e ka shënuar Arbër Hoxha në minutën e 20 të pjesës së parë, me ç‘rast skuadrat shkuan në pushim me këtë rezultat, pas 45 minutave të para.
Ndërsa në 15 minutëshin e parë të pjesës së dytë, kur Liria duhej të ngarkonte Besën me sulme, pejanët shënuan për të vulosur fitoren e tyre, me golin e Liridon Balajt, për 2-0.
Besa tashmë ka arkëtuar 9 pikë pas 6 xhirove, derisa Liria bie nën ta në klasifikim, me 7 të tubuara nga 6 xhiro.
