BOSHNJAKU @ EVERTON
Muhamed Besic (djathtas) me fanellë të Bosnjes e Hercegovinës në Kampionat Botëror/fifa
Besic impresionon në debutim
3 August, 2014 @19:41
Everton ka zhvilluar miqësore ndaj Portos sot. Ekipet u ndanë me barazim në fund, 1-1. Golin e vetëm për Evertonin e shënoi Steven Naismith, derisa për Porton, Jackson Martinez.
Mirëpo ajo që doli të jetë premtuese për tifozët, por edhe ekipin e kaltër nga Liverpooli, ishte debutimi i mesfushorit boshnjak, Muhamed Besic.
Besic u pëlqye jashtëzakonisht nga Roberto Martinez dhe u transferua te Evertoni javën e kaluar. E ai ende pa nisur mirë ndeshja e sotme, ka bërë 6 prekje impresionuese të topit - që e ka bërë atë tejet interesant për tifozët.
Ndërkaq faqja e Evertonit ka shkuar aq larg dhe ka thënë se nuk beson të ketë ndonjë lojtar që ka pasur start më të mirë në prekjet e para të topit me ekipin e tij të ri.
Video
Muhamed Besic debuton në Everton
Boshnjaku Muhamed Besic debuton për Evertonin dhe me prekjet e para të tij në ndeshje impresionon adhuruesit por edhe vlerësuesit e futbollit që në miqësoren e parë të ekipit të tij të ri.
