Besnik Hasi merr edhe Superkupën belge

Skuadra kampione e Belgjikës, Anderlecht, që po udhëhiqet me sukses nga gjakovari Besnik Hasi, ka arritur pak më parë që të triumfojë edhe në finalen e Superkupës belge. 

Ekipi i Hasit, Anderlecht, që është kampion aktual i Belgjikës ka arritur të shënojë fitore në çastet e fundit të takimit, kur në kohën shtesë nëpërmjet një autogoli të Dennis Odoi - ata kaluan në epërsi 2-1 dhe pas pak përfundoi ndeshja. 

Anderlechti kishte marrë epërsinë heret në takim me anë të sulmuesit serb, Aleksandar Mitrovic, por Lokereni kishte barazuar 15 minuta para fundit të takimit, kur Hamdi Harbaoui shënoi për 1-1. 

Ky është trofeu i dytë i Besnik Hasit si trajner me Anderlechtin, pasi që muaj më parë fitoi titullin kampion.