ISH LOJTARI I KB PRIZRENI
Brandon Scott mbetet në Superligë
5 September, 2019 @13:53
Njëri ndër basketbollistët që debutoi në basketbollin kosovar në stinor të kaluar, Brandon Scott, përsëri do të jetë pjesë e elitës sonë.
Ai sot është zyrtarizuar si lojtar i ri i ekipit debutues në Superligë, KB Feronikeli.
Scott në stinorin e kaluar ka qenë pjesë e KB Prizreni, për të cilët luajti në pjesën më të madhe të stinorit dhe arriti suksese si plasimi në Final Four të Kupës dhe sigurimin e PlayOffit në Superligë.
Në 29 ndeshje të luajtura në Superligë përgjatë stinorit të kaluar, Scott ka pasur mesatarisht 26.4 minuta për lojë.
Në këto përballje ai ka pasur mesatare prej 11.3 pikëve, 5.1 kërcimeve dhe 1.8 asistimeve për ndeshje.
Aloja 26 vjeçare kështu, pas stinorit 2018/19 të kaluar në Prizren, do të jetë pjesë e ekipit të Drenasit në stinorin 2019/20.
