Bunjaki: Edhe cilësia e madhe është problem

Përzgjedhësi i përfaqësueses së Kosovës, Albert Bunjaki, para ndeshjes me Kroacinë sonte në Maksimir të Zagrebit ka thënë se Kosova do të tentojë të shfrytëzojë rastet e saja që i paraqiten, ndërsa për Kroacinë ka thënë se ka mesfushën më të mirë në botë.

“Problem i Kroacisë mund të jetë kualiteti shumë i madh i skuadrës, pasi që është vështirë të përzgjedhësh edhe në ato raste. E largon një lojtar të Real Madridit, aktivizo të Barcelonës ose Juventusit - është e vështirë,” ka thënë Bunjaki në konferencë për shtyp.

TABELA AKTUALE DREJT RUSIA 2018

“Përparësia jonë mund të jetë se ata i kanë lojtarët e lodhur për shkak të minutazhës së madhe nëpër ekipe. Ata nuk e kanë mesfushën ndër më të mira në botë, por më të mirën,” ka shtuar Bunjaki.

Kroacia - Kosova luhet sonte me fillim prej orës 20:45 në Maksimir të Zagrebit.