PËR MEDIAT KROATE
Kozniku kroatëve, jeni favoritë por kujdes, ky është futboll
2 September, 2017 @10:55
Ardian Kozniku, ish-reprezentues i Kroacisë dhe emër i njohur i historisë së futbollit si në Kosovë ashtu edhe në Kroaci, para ndeshjes së sotme Kroacia-Kosova, u ka thënë mediave kroate se ekipi i tyre është favorit, por duhen patur kujdes.
“Kur e shikon çfarë lojtarë ka Kroacia në ekip, kuptohet që është favorit dhe i madh për këtë ndeshje. Mirëpo, gjatë lojës gjithçka mund të ndodh. Kosova ka mjaft lojtarë të ri, të mirë, që do të jenë të motivuar në përballje me yjet e futbollit botëror,” ka thënë Kozniku për Sportske Novosti para ndeshjes.
TABELA AKTUALE DREJT RUSIA 2018
“Po të më pyetni mua, Kroacia ka qenë favorite e madhe edhe para ndeshjes me Turqinë. Por ndeshja përfundoi 1-1. Po të luajnë Kroacia-Gjermania do t’ju thoja që do të ishte një betejë e ashpër në fushë dhe nuk do të mund ta parashikoja rezultatin. Kosova nuk ka lojtar yll, por ka futbollistë të mirë për ç‘gjë Kroacia duhet të ketë shumë kujdes,” ka shtuar Kozniku.
Kroacia - Kosova zhvillohet sonte prej 20e45.
