Bunjaki tregon synimet e Kosovës

Një ditë para ndeshjes kualifikuese ndaj Ukrainës, përzgjedhësi i Kosovës, Albert Bunjaki, ka folur para mediave:

“Vijmë pas një ndeshjeje të vështirë të cilën e humbëm. E dimë që Ukraina është një skuadër e fortë. Rezultati nuk është pasqyrë e lojës me Kroacinë, pasi edhe ne patëm rastet tona.

Sidoqoftë do të mundohemi të përmirësohemi, do të shohim aty ka nevojë të bëjmë ndërrimet e duhura.” - ishin fjalët e kryetrajnerit Bunjaki, përcjell FFK-ja.

I pyetur për synimet e Kosovës, ai shtoi:

“Pres që në EURO2020 ne të jemi befasia e kampionatit. Lojtarët kanë nevojë për përvojë dhe ajo do të fitohet deri atëherë.”