Calabria rinovon kontratën

Mbrojtësi i krahut të djathtë të AC Milan ka rinovuar kontratën e tij deri me 30 qershor 2025.

Bëhet fjalë për Calabria ku njoftimin e kanë bërë të ditur faqja zyrtare e AC Milan si dhe mediat në Itali.

Mbrojtësi italian është pjesë e AC Milan që nga viti 2015, ku në sezonën që e lamë pas ai kishte luajtur për 32 ndeshje me klubin e Milanit dhe kishte shënuar dy herë e asistuar një herë. Ai sezonën e përmbylli bashkë me klubin e tij në pozitën e dytë me 79 pikë, kështu për t’u kualifikuar në Ligën e Kampionëve.

“Krenar që vazhdoj të jem pjesë e kësaj familje! Do të vazhdoj të luftoj për këtë fanellë me shpresën që të rritemi së bashku si lojtar dhe si njeri. Mezi pres të filloj nga e para. Forca Milan, gjithmonë”, ka thënë ai pas vazhdimit të kontratës së tij.

We are as happy as you are, @davidecalabria2 #SempreMilan pic.twitter.com/MP41MMFXsg

— AC Milan (@acmilan) July 9, 2021