Celina: Do të fillojmë mirë, besoj në fitore

Lojtari i Manchester Cityt, që së fundi u huazua në Twente të Eredivisies dhe shpresa për gol e Kosovës, Bersant Celina, është optimist për fitore në ndeshjen ndaj Finlandës.

“Presim një ndeshje të fortë dhe do të ketë rivalitet të madh. Do të angazhohemi maksimalisht i gjithë ekipi dhe unë besoj fort në fitore, ndonëse mendoj se Finlanda ka ekip të mirë. Duhet që patjetër të nisim mirë që do të jetë një shtytje e madhe për ndeshjet tjera,” ka thënë Celina pas stërvitjeve të sotme të përfaqësueses.

Celina në ndeshjen e kaluar ndaj Ishujve Faroe, ishte ndëshkuar me karton të kuq nga referi i ndeshjes, por Kosova kishte fituar 2-0 në fund.

Finlanda - Kosova luhet më 5 shtator në ora 20 e 45.