BERSANT CELINA
Celina në Abu Dabi me ekipin e parë
18 January, 2015 @22:57
Pjesë e ekipit të parë të Manchester Cityt që do të bëjë një udhëtim shtatë orësh për në kryeqytetin e Emirateve të Bashkuara Arabe, Abu Dabi, do të jetë edhe i riu Bersant Celina.
Trajneri i Manchester Cityt, Manuel Pellegrini, ka përfshirë edhe Celinën në ekipin e parë, që do të qëndrojë për një javë në vendlindjen e presidentit të klubit për t’i zhvilluar stërvitjet në temperatura më të ngrohta dhe për të zhvilluar një miqësore me skuadrën gjermane, Hamburg.
Celina ishte shumë pranë debutimit në ekipin e parë në ndeshjen e runditë të tretë në FA Cup, kundër Sheffield Wednesday, pasi ishte ulur për herë të parë në bankë gjatë një ndeshjeje zyrtare, mirëpo një gjë e tillë nuk ndodhi për shkak se trajneri Pellegrini parapëlqeu ndërrime të tjera të lojtarëve.
