Çfarë Gjilani, përmbyjse për kreun e tabelës!

Çfarë ndeshje interesante u zhvillua sot në Drenas!

Feronikeli e Gjilani, dy garues për titullin kampion, zhvilluan luftë të fortë deri në fund, ndonëse gola në këtë takim u panë vetëm në 20 minutat e fundit të ndeshjes, e në fund fitores iu gëzuan mysafirët nga Gjilani.

Serinë e golave në këtë takim e hapi Jean Da Silva i vendasve (73’), mirëpo gëzimi i vendasve zgjati shumë pak. Fillmisht Franc Veliu (81’) me kokë barazoi në 1-1, e më pas fitoren gjilanasve ia siguroi Ylber Kastrati me golin e shënuar për 1-2 në minutën e 85’, gol që mund të jetë shumë i rëndësishëm në luftën për titullin kampion.

TABELA AKTUALE

Kjo fitore bën që Gjilani momentalisht të jetë në krye të Superligës, kurse Nikli me këtë humbje bën një hap prapa në luftën për titullin kampion.

Xhiron e ardhshme, Gjilani e pret Llapin në një tjetër takim interesant, kurse Feronikeli i shkon Vushtrrisë në “Ferki Aliu”: