ANGLIA - KOSOVA
TOPSPORTI / Arian Paçarizi
Challandes: Jo lehtë, por unë i kam thënë të sulmojnë
11 September, 2019 @0:30
Trajneri i kombëtares së Kosovës, Bernard Challandes, pas humbjes ndaj Anglisë, ka thënë se është i kënaqur me angazhimin në pjesën e dytë.
“Nuk mund të them se ishte e lehtë, nganjëherë ne e humbëm topin dhe ata patën reagime perfekte në kundërsulm. Ne kemi ndërmarrë rreziqe por në pjesën e parë ishte një efikasitet i madh nga Anglia.
“Normalisht nuk jam i kënaqur me pjesën e parë por përgjegjësia më takon mua, sepse i kam thënë skuadrës që të sulmojnë vazhdimisht,” ka thënë Challandes.
Kosova aktualisht gjendet në pozitën e tretë në Grupin A me 8 pikë.
