SOKOL CIKALLESHI
Cikalleshi debuton për Akhisarin
5 February, 2017 @18:07
Sulmuesi i kombëtares shqiptare, Sokol Cikalleshi, ka debutuar sot për skuadrën e tij të re, Akhisarspor.
Futbollisti nga Kavaja është paraqitur nga minuta e parë në ndeshjen e Kupës së Turqisë ndaj skuadrës Gumushanespor dhe u zëvendësua në minutën 64’, duke dhënë kontribut në fitoren 3-1 të skuadrës së tij.
Kjo fitore e ka kualifikuar Akhisarsporin në çerekfinale të Kupës.
Cikalleshi ishte transferuar ditë më parë në Akhisarspor nga skuadra e Basaksehirit.
