City mendon për Cavanin

Manchester City është duke u interesuar për sulmuesit Edinson Cavani dhe Luis Suarez, ndërsa këtë e konfirmoi edhe trajneri italian, Roberto Mancini.

“E pëlqej lojën e Cavanit, mirëpo të gjitha klubet janë të interesuara për të. Edhe Suarez mund të ishte një zgjedhje e mirë,” ka thënë Mancini për të përditshmen angleze, The Guardian.

Tekniku italian po ashtu ka folur edhe për brazilianin Neymar, i cili po kërkohej nga shumë klube të mëdha europiane. “Neymar është një lojtar i mirë dhe njëkohësisht i ri, mirëpo nuk di se a mund ta përballojë futbollin anglez. Besoj se do të shkojë te Barcelona ose Real Madridi. Futbollistët si Cavani apo Falcao mund të luajnë këtu. I kanë nga 26,27 vjeç dhe po ashtu e kanë edhe përvojën e duhur,” përfundoi Mancini.