City shpejt dhe lehtë në çerekfinale

Pa shumë telashe dhe me dy gola të shpejtë. Brenda 20 minutave të para të ndeshjes Manchester City siguroi çerekfinalen e Ligës së Kampionëve duke e mposhtur Borussia Monchengladbachun 2-0 në Puskas Arena për të shkuar tutje me rezultat të përgjithshëm 4-0.

Kevin De Bruyne me një predhë dhe Ilkay Gundogan i dhanë fund dilemave të fituesit, duke shënuar në minutat 12 dhe 18 përkatësisht.

Të premten, City do të njoftohet me kundërshtarin e radhës në garë, ndërsa Monchengladbach që veçse është ndarë nga trajneri aktual i tyre Marco Rose, përgjatë ndeshjes kanë ndjekur lojtarët e Pep Guardiolës, duke mos pasur mundësi të shënojnë.