Çka mund të bënte më shumë Shqipëria?

Në prononcimet e tij pas ndeshjes, kemi shkëptur pyetjen e botuar në Panorama Sport, ku selektori Gianni De Biasi është pyetur,

-A mund të bënte skuadra shqiptare më shumë se kaq ndaj Luksemburgut?

Kurse strategu italian i është përgjigjur kështu kësaj pyetjeje.

“Mund të bënim më shumë në pjesë të parë. Duhej të luanim më shpejt topin dhe të kërkonim portën më shumë. Në pjesën e dytë zëvendësimet dhanë gjallëri në lojë dhe erdhën golat. Por, duhet të kishim shënuar më shumë gola, kurse duhet theksuar se Luksemburgu kishte ekip shumë të organizuar,” ka thënë De Biasi.

Shqipëria ka mposhtur Luksemburgun 2-0 vetëm pasi që këta të fundit mbetën me 10 lojtarë në fushë mbrëmë. Ndërsa tre ditë para kësaj ndeshjeje kuqezinjtë u mposhtën nga Austria, 2-1.