Çka mund të sjell shorti i Ligës së Kampionëve?!

Pas përfundimit të fazës grupore të Ligës së Kampionëve, tashmë në pranverë, pritet të nis faza eliminatore ku u kualifikuan 16 ekipet që u treguan më të forta këtë stinor në garën elite të futbollit europian. 

E kush me kë do të mund të takohet sipas rregullave të shortit mësojini mëposhtë: 

Atletico Madrid (fitues i Grupit A) - mund të takohet me çdo ekip nga vendet e dyta përveç Juventusit që e ka pasur në grup. 

Juventus (i dyti nga Grupi A) - mund të takohet me cilindo ekip fitues të grupit përveç Atletico Madridit që e ka pasur në grup. 

Real Madrid (fitues i Grupit B) - mund të takohet me çdo ekip nga vendet e dyta përveç Baselit. 

Basel (i dyti nga Grupi B) - mund të takohet me çdo ekip që ka fituar grupin, përveç Real Madridit. 

Monaco (fitues i Grupit C) - Juventus, Basel, Leverkusen, Arsenal, City, Schalke dhe Shakhtar, mund të jenë kundërshtarë të nënkampionit të Francës. 

Bayer Leverkusen (i dyti nga Grupi C) - Atletico Madrid, Real Madrid, Barcelona, Chelsea dhe Porto, mund të jenë kundërshtarë të Aspirinëve. 

Borussia Dortmund (fitues i Grupit D) - Juventus, Basel, City, Paris dhe Shakhtar, kundërshtarët e mundshëm të ekipit të Kloppit. 

Arsenal (i dyti nga Grupi D) - Përveç Chelseat dhe Borussia Dortmundit, të gjithë fituesit tjerë të grupeve. 

Bayern Munchen (fitues i Grupit E) - Juventus, Basel, Arsenal, Paris dhe Shakhtar, janë kundërshtarët potencial të bavarezëve. 

Manchester City (i dyti nga Grupi E) - treshja spanjolle: Atletico, Real, Barcelona dhe Dortmund e Porto janë kundërshtarët potencial të kampionit të Anglisë. 

Barcelona (fituese e Grupit F) - të gjitha vendet e dyta përveç Paris St Germain, që e ka pasur në grup. 

Paris St Germain (i dyti nga Grupi F) - të gjithë fituesit e grupeve, përveç Monacos e Barcelonës. 

Chelsea (fitues i Grupit G) - Juventus, Basel, Leverkusen, Paris St Germain dhe Shakhtar, janë kundërshtarët potencial të Jose Mourinhos në pranverë. 

Schalke (i dyti nga Grupi G) - treshja spanjolle, Monaco dhe Porto, mund t’i bien në short. 

Porto (fitues i Grupit H) - të gjitha vendet e dyta, përveç Shakhtarit. 

Shakhtar (i dyti nga Grupi H) - të gjithë fituesit e grupeve, përveç Portos.

Të kualifikuarit: