KICKER VOTOI
Costa, më i miri i vjeshtës
4 January, 2016 @17:21
Braziliani që erdhi këtë stinor nga Shakhtar Donetsk te Bayern Munchen, Douglas Costa, është përzgjedhur nga revista sportive gjermane Kicker si lojtari më i mirë i stinorit vjeshtor të Bundesligës.
Costa 25 vjeç ka marrë më së shumti vota në garë për lojtarin më të mirë, duke e lënë pas Robert Lewandowskin dhe Thomas Mullerin.
Prej se erdhi nga ekipi ukrainas, braziliani në fjalë ka shënuar 5 gola dhe ka regjistruar 14 asistime në 20 paraqitje.
