BALLKANI - FERONIKELI
Daku i artë, Ballkani lider
21 February, 2021 @15:35
Me golin e Mirlind Dakut, Ballkani e mposhti Feronikelin me rezultat minimal 1-0 [Mirlind Daku 82’] dhe u ngrit në pozitën e parë në Superligë.
Daku shënoi në minutën e 82’ me kokë, pas një asistimi të Ermal Krasniqit dhe ky gol mjaftoi për ta dërguar skuadrën suharekase në krye të tabelës.
Ballkani me 44 pikë sikurse Drita gjendet në krye të tabelës, kurse Feronikeli gjendet në pozitën e gjashtë me 24 pikë.
Në xhiron tjetër Ballkani takohet me Gjilanin, derisa Feronikeli e pret Drenicën.
