Dallimi quhet Mahrez, Leicester duhet ta mbajë

Mesfushori algjerian i Leicester Cityt, Riyad Mahrez, po përfolet si largim i mundshëm nga ‘dhelpërat’.

Leicester City mendon ta shesë nëse pranon një shumë të majme për të. Por, dje në përballjen ndaj Celticut në International Champions Cup, Mahrez tregoi edhe njëherë vlerat. E tash, Leicester duhet të mendojë mirë. A ia vlejnë 50 milionë funta, apo Mahrez, që të siguron fitoren (në të shumtën e rasteve) e plus do të marrësh pjesë në Ligë të Kampionëve?

Mahrez ka qenë njeriu kryesor që bëri dallimin në fitoren e Leicester Cityt ndaj Celticut me penallti, ndërsa Arsenal po duket të jetë i interesuar për shërbimet e algjerianit.

Trajneri Claudio Ranieri ka thënë disa herë se ai nuk do të ndalë asnjë lojtar që dëshiron të largohet nga skuadra.

Deri më tani, vetëm N’Golo Kante nga lojtarët kryesorë të Leicesterit është larguar nga skuadra.

Mahrez është shpallë lojtari më i mirë i vitit në Premier Ligë stinorin që shkoi, ndërsa Leicester u shpall për herë të parë kampion në histori të klubit.