Dallku i thotë lamtumirë kombëtares

Armend Dallku i ka dhënë fund karrierës së tij në kombëtaren e Shqipërisë. Futbollisti 30 vjeçar përfundimisht ka vendosur të mos luaj më për Shqipërinë, njofton faqja zyrtare e Federatës Shqiptare të Fubtollit.

Dallku ka pasur gjithsej 64 paraqitje me fanellën kuqezi, si dhe pesë të tjera me ekipin U21 të Shqipërisë, duke u bërë kështu lojtari i dhjetë me më së shumti paraqitje për Shqipërinë.

Ai ka debutuar për Shqipërinë me 9 shkurt të vitit 2005 gjatë kohës sa ishte përzgjedhës Hans Peter Briegel, në ndeshjen kundër Ukrainës, ndërsa me 10 shtator të vitit 2008 ka shënuar golin e vetëm me fanellën kuqezi në ndeshjen kundër Maltës që kishte përfunduar me rezultat 3-0.

Dallku është pjesë e skuadrës ukrainase Vorskla Poltava, në të cilën luan që nga viti 2004 kur ishte transferuar nga skuadra e Elbasanit.