FINALJA E KUPËS
Dallku: Shpresoj ta filloj karrierën me trofe
29 July, 2020 @11:53
Përveç trajnerit të Ballkanit, për Supersport para finales së Kupës u shpreh edhe Armend Dallku, trajneri i Prishtinës.
“Jo vetëm këtë vit, por gjithmonë, Prishtina ka synime të larta si për kampionat e ashtu edhe për kupë. Me një formë neve na larguan nga gara për titull, kështu që tash mundësia jonë për të marrë pjesë në Evropë është triumfi në Kupën e Kosovës.
Presion te ne nuk ka, jam i kënaqur me futbollistët, të cilët i falënderoj shumë që e dhanë maksimumin gjatë gjithë sezonit.
Emocion i veçantë pasi që kjo është finalja e parë për mua si trajner dhe shpresoj që këtë karrierë ta filloj me trofe.” - ishin fjalët e Dallkut.