Data e shortit për Elite Round

Pas kualifikimit historik të Kosovës U17 në Elite Round për kualifikime drejt evropianit Irlanda 2019, tashmë pritet të shihet shorti i kësaj faze.

UEFA ka bërë të ditur se shorti për Elite Round do të mbahet më 6 dhjetor 2018 në Nyon të Zvicrës, ndërsa ekipet që do të marrin pjesë aty janë: Austria, Bellorusia, Belgjika, Bosnja, Kroacia, Çekia, Danimarka, Anglia, Franca, Gjermania, Greqia, Hungaria, Islanda, Izraeli, Kosova, Holanda, Irlanda Veriore, Norvegjia, Polonia, Portugalia, Rumania, Rusia, Skocia, Serbia, Sllovakia, Sllovenia, Spanja, Zvicra, Suedia, Turqia dhe Ukraina.

Do të krijohen tetë grupe, sipas koeficientit të shteteve të ndara në vazo, ndërsa Kosova do të jetë në vazon e fundit.

Prej këtyre tetë grupeve, fituesit e grupeve sigurojnë pjesëmarrjen në “Irlanda 2019” ndërsa shtatë vendet e dyta më të mira do t’i bashkangjiten atyre në evropian, që do të mbahet në Irlandë prej 3 deri më 19 maj të vitit të ardhshëm.

Ndeshjet kualifikuese në Elite Round do të zhvillohen gjatë marsit të vitit të ardhshëm.