PAS NDESHJES
De Biasi: Fitorja ishte e vështirë
6 September, 2016 @15:59
Përveç Ansi Agollit, pas suksesit ndaj Maqedonisë foli edhe Gianni De Biasi.
“Nuk ishte e vështirë ta motivoja skuadrën. Vinim nga një pjesë e parë e mirë, kurse në pjesën e dytë ramë në kurthin e tyre dhe dolëm nga loja jonë e zakonshme. Maqedoonia kishte 5 mbrojtës të deklaruar, por për fat të mirë gjetëm këtë gol. Unë shpresoja që të rigjenim golin me goditje standarde. Kjo fitore na lumturon sepse jemi në kuotën e 3 pikëve si Spanja dhe Italia.
Kemi lojtarë të aftë për të luajtur edhe nga krahet me Agollin e Lenjanin dhe Hysajn e Roshin. Mund të luajmë me çdo skemë që duam, por skuadra duhet t’i interpretojë në mënyrën më të mirë. Ne duhet të mësojmë të përshtatemi gjatë ndeshjes sepse Maqedonia luajti këtu me 5 mbrojtës dhe ne u nxorrëm mirë nga situata”. - ishin fjalët e De Biasit për Supersport.
