Dera ishte e hapur, por…

Liverpool dështoi që të kalojë në raundin e radhës të FA Cup sonte, pasi që u mposht nga West Ham United në vazhdime. 

“Tejet vështirë. Kemi qenë ekip më i mirë në fushë, kemi krijuar më shumë, kemi luajtur futboll më të mirë - por s’kemi përdorur asnjërën nga ato,” ka thënë Klopp pas ndeshjes. 

Gjermani që ka marrë drejtimin e Liverpool prej se u shkarkua Brendan Rodgers, ka shtuar se ekipi i tij do të përmirësohet me kohë, ndërsa ka theksuar se ekipi i tij ka pasur mundësinë që të arrijë në 1/8 e finales. 

“Kemi ardhur që të fitojmë. Ndonjëherë nuk duhet të tregosh më të mirën, por thjesht të kalosh në raundin tjetër. Ne sonte e kemi pas derën e hapur për të kaluar tutje, por ajo çka treguam në fushë, u pa se nuk qenka e mjaftueshme,” ka shtuar ai transmeton BT Sport.