DERBI I MADH - PA PUBLIK!
Derbi i radhës i Anamoravës - pa tifozë!
10 March, 2023 @16:22
Përmes një njoftimi në rrjete sociale, skuadra e Dritës ka bërë të ditur se derbi i madh jo vetëm i qytetit të Gjilanit, por edhe i Kosovës, ndërmjet Dritës dhe Gjilanit do të luhet pa praninë e tifozëve.
Për shkak të hapësirës së kufizuar që ofron stadiumi me bar sintetik në Gjilan, u morr vendimi bashkë me Policinë e Kosovës që ndeshja të luhet pa tifozë, ka bërë të ditur skuadra në fjalë.
Dueli Drita-Gjilani luhet prej orës 15:00 të dielën dhe është e vlefshme për xhiron XXV të Superligës.
