OLD TRAFFORD
Di Maria mungon në derbi
12 December, 2014 @19:06
Angel Di Maria, argjentinasi që i dha frymë Manchester Unitedit këtë stinor në momente të vështira, nuk do të jetë pjesë e ekipit të dielën në derbin e Anglisë, ndaj Liverpoolit.
Manchester United, në faqen zyrtare ka bërë të ditur se për shkak të lëndimit të ligamenteve, Di Maria nuk do të jetë në dispozicion të Louis Van Gaalit në derbin që luhet në Old Trafford.
Në pesë ndeshjet e fundit të këtyre skuadrave në Premier League, Manchester United ka fituar 3, derisa Liverpool 2 takime. Të Kuqtë e Anfield Road kanë fituar në dy ndeshjet e stinorit të kaluar, derisa United udhëhiqej nga David Moyes.
