Dortmund, me tifozë më lojal

Skuadra e Borussia Dortmundit ka vazhduar të ketë besimin e tifozëve të ekipit, pasi që ka renovuar 55 mijë bileta sezonale me përkrahësit e ekipit. 

Vetëm 93 nga 55 mijë bileta nuk janë renovuar, derisa Dortmund që kishte një stinor për tu harruar ka shënuar rekordin e ekipit më të shikuar në stadium në tërë Europën. 

Ekipet më të shikuara

Borussia Dortmund ka pasur mesatarisht 80 mijë e 424 tifozë për ndeshje, derisa pas tij renditen, Barcelona 77’632 për ndeshje, Manchester United 75’335 për ndeshje, Real Madrid 73’081 për ndeshje dhe Bayern me 72’882 tifozë për ndeshje. 

Sa i përket këtyre 93 tifozëve që nuk kanë vazhduar renovimin e biletës sezonale me ekipin verdhezi nga Dortmundi, është interesant fakti se për këto 93 bileta po presin mbi 200 tifozë tjerë që do të përcaktohen me short.