Dortmundi me katërshe

Skuadra nga Bundesliga, Borussia Dortmund, ka vazhduar serinë e fitoreve duke e mposhtur Eintracht Frankfurtin me rezultat të thellë 4-0.

Ekipi verdhezi krijoi epërsinë që nga minuta 10’ e ndeshjes me golin e sulmuesit Pierre Aubameyang. I njëjti lojtar shënoi edhe një herë në minutën 21’ për ta dyfishuar rezultatin.

Në fillim të pjesës së dytë vendasit fituan një penallti, ndërsa Robert Lewandowski i cili morri përgjegjësinë e ekzekutimit, arriti të shënojë për rezultatin 3-0.

Futbollisti më i dalluar në fushë, Henrikh Mkhitaryan, në minutën 68’ ia lëshoi vendin serbit Milos Jojic, i cili me t’u futur në lojë shënoi golin e katërt të skuadrës së tij.

Me këtë fitore, Dortmund tani ka tubuar 42 pikë dhe vazhdon ta ndjek Bayer Leverkusenin i cili gjendet në pozitën e dytë.

Rezultatet dhe tabela aktuale.