FRANKFURT
Kapllani me gol në fitore
15 February, 2014 @15:01
Sulmuesi i kombëtares shqiptare, Edmond Kapllani, ka shënuar golin e radhës me ekipin Frankfurt sot.
Goli nr. 9 për Kapllanin
Frankfurt ka qenë në disavantazh në ndeshjen e sotme ndaj Dynamo Dresdenit kur Kapllani ka barazuar rezultatitn në 1-1 për t’i dhënë krahë skuadrës së tij, që më pas shënoi fitore 3-2 në fund.
Ky ka qenë goli i nëntë i Edmondit për Frankfurtin në Bundesliga 2, nga 19 paraqitje që i ka dhe me këtë performancë të tijën ai ka vërtetuar kërkesat që i ka bërë lidhur me mosangazhimin e përhershëm nga trajneri i kombëtares shqiptare, Gianni De Biasi.
Roshi rezervë
Frankfurt përndryshe, pas kësaj fitoreje është ngritur në pozitën e dhjetë të Bundesliga 2 me gjasa të vogla për hyrje në elitën gjermane.
Mesfushori i kombëtares shqiptare, Odhise Roshi, që gjithashtu luan për Frankfurtin sot ka qëndruar gjatë gjithë ndeshjes në bankën rezervë dhe nuk është futur fare në lojë nga trajneri i ekipit, Brenno Mohlmann.
Kapllani është golashënuesi i dytë më i mirë i Bundesliga 2 me nëntë gola të shënuar, një më pak se lideri Seb Zoller i Kaiserslauternit.
