Torpedo e Balotellit siguron fitoren

Rreth 40 mijë tifozë në San Siro sonte është dashur të presin deri në minutën e 86-të të ndeshjes për të parë golin fantastik, të parë dhe të vetëm në një ndeshje shterpe që i solli Milanit fitoren ndaj Bolognës. 

Ka qenë Mario Balotelli që pranoi një asist nga Riccardo Montolivo për të shënuar golin e vlefshëm për tre pikë të rossonerëve. Kjo ka qenë fitorja e parë për Clarence Seedorfin në tre ndeshjet e fundit të Milanit, pas disfatës nga Napoli dhe barazimit me Torinon. 

Mario Balotelli ka treguar edhe njëherë aftësitë e tij, duke shënuar golin nga afro 30 metra largësi me një goditje si torpedo - që shkundi rrjetën e mysafirëve. 

Goli i Balotellit sonte mund të zgjidhet goli i stinorit në Serie A, derisa Milan ka radhitur bilancin interesant prej 8 fitoreve, 8 barazimeve dhe 8 humbjeve deri më tani. 

Rezultatet dhe tabela aktuale. 

Video

Milan-Bologna 1-0

Super goli i Mario Balotellit