ÇEREKFINALJA E KUPËS: DRENICA-FERIZAJI
Drenica arrin gjysmëfinalen
15 March, 2017 @14:57
Drenica ka shënuar fitore në ndeshjen çerekfinale ndaj Ferizajit, dhe me këtë ka siguruar një vend në gjysmëfinale.
Golin e vetëm dhe të fitores për kuqezinjtë e Skenderajit e shënoi Taulant Dajaku, kur shënoi nga penalltia në fund të pjesës së parë.
Ferizaji u këndell plotësisht në pjesë të dytë, por nuk e gjeti rrugën e golit për të barazuar. Mysafirët shtrënguan gjithçka posaçërisht në 10 minutëshin e fundit, por më kot.
Drenica arrin gjysmëfinalen e Kupës së Kosovës dhe të premten do të kuptojë rivalin në rrugë për finale.
