Juventusi mbron nderin e Italisë

Të futur në fushë me epërsinë 1-0 nga ndeshja e fituar në Portugali, ‘Zonja e Vjetër’ nuk lejoi ‘emocione’ as në takimin kthyes të luajtur në ‘Juventus Stadium’.

Me një gol të argjentinasit Dybala në fundin e pjesës së parë nga pika e bardhë, Juventusi i dha goditjen e ‘knock out-it’ Portos, për t’u kualifikuar kështu me rezultat të përgjithshëm 2-0 në çerekfinale.

Duhet përmendur që pak para golit, Porto mbeti me 10 lojtarë në fushë pas përjashtimit të Pereiras. Përjashtim për Porton kishte pasur edhe në ndeshjen e parë në Portugali, duke bërë që gjërat për Juventusin të ishin më të lehta në të dy takimet.

Me Napolin e eliminuar, Juventusi mbetet skuadra e vetme italiane që arrin çerekfinalen e Championsit sivjet.